【新增動新聞】
巴黎聖日耳門（PSG）球星卡雲尼同今季加盟嘅隊友尼馬爆出爭射罰球同12碼風波之後，日前有報道話AC米蘭有意喺明年1月冬季轉會窗羅致呢名烏拉圭射手，而原來唔止AC米蘭，英超嘅愛華頓都諗緊係出手簽佢返嚟。

愛華頓今夏放咗盧卡古去曼聯，但爭取車路士嘅迪亞高哥斯達加盟就因為佢一心想返馬德里體育會而唔成功，據意大利《Tuttomercatoweb》報道，愛華頓仍然希望搵到高水平嘅前鋒彌補呢個空缺，日內就會開會傾吓羅致卡雲尼嘅可行性，仲話拖肥係相當認真嘅，睇嚟卡雲尼就算真係敗走PSG都不愁出路。