今日係第51屆百想藝術大獎舉行嘅大日子，喺頒獎禮之前大部份獲提名嘅嘉賓都有現身紅地毯，特別係一眾女星更悉心打扮，勢要成為全場焦點。

當中一向形象健康嘅朴信惠今晚就以一條白色低胸露背裝出現，令人好驚喜，即時大搶風頭，雖然朴信惠罕有性感，但自然有唔少女星比佢更搏命，當中韓國小姐出身、演出新劇《親愛的恩東啊》女星金莎朗就力谷事業線，仲大鬥同樣勁騷事線嘅三線女星朴藝珍，兩人咁搏命自然成功搶鏡。

至於先拔頭籌奪得電視組別人氣女演員嘅f(x)成員Krystal就以黑色喱士連身裙現身，不過佢條裙就比較老氣，似乎唔多襯佢嘅年齡。