韓國男團Super Junior各成員都先後入伍，現時服役中就包括神童、晟敏、銀赫、東海、崔始源等，原本厲旭喺今年6月14號入伍，但因為當時發生成員強仁酒駕事件，所以SJ所屬事務所就宣佈將暫緩厲旭入伍。

不過近日SJ隊長利特就喺電台節目唔小心踢爆厲旭將於下月入伍，噚日利特主持Kiss The Radio時，喺節目就快結束前，佢就突然提起厲旭嘅消息，仲提到厲旭將於下月入伍，但利特就冇透露到底厲旭邊日入伍。

唔少粉絲得知消息後都大表傷心，仲留言話：「要嚟還是會嚟」、「早去早回，會好好等Oppa返嚟」等留言。