呂健威馬房今季初仍能保持上季水準，但11月打後就極度跌Watt只贏兩場，今季累積只交了八W暫排尾四。其實呂健威也想反撲，上次日馬（16日）已佈下強陣，派出「陽明豐豐」、「蟲草之星」以及「陽光」等馬房質新精英，但仍無功而還。

事隔一星期，明日（23日）呂健威再次強攻，頭場「首驫」近兩次接近，今次更用到莫雷拉，餘下「繽紛駿驥」、「精算齊同」以及「勁有波幅」，均是近績較佳的馬，筆者認為若今期呂廐仍是頭馬捧蛋，或許會在農曆年前繼續尋底。

第六場「精算齊同」今季跑了四場，第一次無段好睇，再出亦大敗九個多馬位，實際衝線時初見餘勢，到前仗跑1200米留前鬥後，末段沿外疊殺上跑第五，輸唔夠兩個馬位明顯進步。

但馬房並不心急，反而用了個半月時間為此駒操好才跑，結果閘前落到大熱，並一改過往留後跑法沿內疊跟前，奈何當日場地較利中外疊推進，加上該役中段步速按得太慢，更有利後上馬趁機乘勢而上，「精算齊同」就在形勢輸蝕下，不敵沿外檔衝贏的頭馬「噴火龍」。

就算呂廐最近表現不濟，也肯讓「精算齊同」又再抖個多月才跑，可預期明日演出又會再進一步，應可開齋。