混血靚B搽甲油返學
我未成年：李嘉慧DIY溜冰場超爽

蘋果日報 2006/03/28 08:00

  • empty
    4歲　生日會
    「讀幼稚園嗰陣，學校每個月都會搞生日會，呢張相係喺哥哥嘅生日會影嘅，當日我着咗條裙仔，戴埋頂帽參加party，搶晒鏡㗎！當時見到咁多個蛋糕喺面前，真係流晒口水！」
  • empty
    5歲　全家福
    「呢張相係喺嫲嫲屋企影嘅，嗰陣每逢星期日，我哋一家就會去嫲嫲屋企，有時都會同auntie啲仔女一齊玩。嫲嫲仲成日整定嘢食，又買定好多零食畀我哋，細個嗰陣佢係特別錫我。」
    左起：李嘉慧、媽媽、哥哥、爸爸、弟弟
  • empty
    30歲　索媽咪
    李嘉慧去年中與拍拖三年的男友任偉成在美國註冊結婚，還找來好友NoelChu為她設計這襲low-cut婚紗。本月八日，李嘉慧於港安醫院誕下重逾七磅的BB女，改名Valerie，幸福滿瀉。
    九五年港姐亞軍兼最上鏡小姐李嘉慧，父親是馬來西亞人，Sofie盡得雙親的精華，她說：「我好好彩，遺傳咗爹哋嘅高鼻同大眼睛，亦遺傳咗媽咪嘅瓜子面，所以自細就擁有cameraface！」
    除了上鏡面孔外，Sofie亦遺傳了雙親的高度，她笑說：「由升上小一到中學畢業，我年年都係成班女同學裏面最高嗰個，所以成日坐最尾。嗰陣見自己不斷長高，都有啲驚㗎。」
    Sofie在家中是獨女，排行第二，所以父親對她特別寵愛，Sofie說：「爹哋最錫我，嗰陣佢成日湊我放學，之後仲會去tea一tea，帶我去茶餐廳歎我最鍾意嘅西多士，之後先返屋企。」
    Sofie自小已十分愛美，她說：「大約四五歲嗰陣，我已經偷偷搽咗媽咪嘅唇膏同指甲油返學，點知俾老師發現，所以成日檢查我啲手指。媽咪知道我咁貪靚，出街都會幫我扮靚搽指甲油。」
    小時候的Sofie表面文靜乖巧，原來亦有頑皮的時候。她笑言童年時最愛跟哥哥和弟弟在家中自製「溜冰場」玩溜冰，她笑說：「嗰陣趁媽咪出街，就將啲爽身粉倒到一地都係扮玩溜冰，點知有次媽咪早咗返屋企，結果咪俾佢鬧咗一餐囉！」
    採訪：顏英儀　
    部份圖片提供：李嘉慧