韓國綜藝節目《Running Man》(RM)於2010年7月11號首播，曾經因題材新穎而成為SBS電視台嘅王牌節目，無論喺韓國定海外都有勁高人氣，不過近年收視已大不如前。

而成員亦經過多次變更，由首播時嘅劉在錫、池錫辰、金鐘國、宋智孝、Gary、HaHa、李光洙、宋仲基、Lizzy 9位成員，到宋仲基、Lizzy退出後嘅「7012」7位成員擔大旗6年幾，再到去年Gary退出《RM》並於今年4月起加入楊世燦及全昭旻。

《RM》導演日前受訪就指：「《RM》正準備拍攝7周年特輯，打算特別安排於7月12號播出。對我哋嚟講，7周年係十分有意義嘅大日子，想邀請返開播時一齊拍攝嘅元祖成員宋仲基，以及合作多年嘅Gary任嘉賓，當畀粉絲一個回憶，不過我哋都知宋仲基好忙，所以都未知可唔可行。」