三號風球正在懸掛,馬場賽道亦受影響。今日沙田馬場將進行七草三泥賽事,草賽使用B加2跑道,現時的場地指數是2.74,掛牌好地至黏地,另外,今日將不會進行壓地。上季5月9日B加2欄亦曾以變化地作賽,雖然有「喜蓮歡星」及「慣勝福星」貼欄擺前帶到,不過亦有「金剛仔」居中後上勝出,值得留意係後駒沿途走大外叠照樣衝贏對手,可見雨中作賽對走外叠之馬匹未必唔好。
至於泥地賽事,現時的場地指數為7.21,掛牌濕慢泥。上季濕泥同程似乎好利後追馬,好似「好爽趣」、「威勢之寶」及「勁開心」都係後上建功,故不妨留意曾於濕泥上名之後上馬。