【蟲出沒注意】蕭敬騰俾屎淋完再收溪錢+麵包蟲
蘋果日報 2014/02/21 06:00
蕭敬騰恐嚇蟲麵包蟲yuki
蕭敬騰繼上次畀人淋屎之後，又再收到恐嚇。(台灣蘋果日報圖片)- 收到都咪話唔嚇死。(台灣蘋果日報圖片)
- 啲蟲好大包。(台灣蘋果日報圖片)
- 有溪錢，又有蟲。(台灣蘋果日報圖片)
- 蕭敬騰知道之後心情好低落。(台灣蘋果日報圖片)
到底台灣藝人蕭敬騰得罪咗啲咩人？舊年10月先有兩個戴頭盔同口罩嘅男子話係佢歌迷，忽然向佢架保母車淋屎，蕭敬騰幸避過一劫；今日佢所屬嘅台灣華納音樂就收到一封署名畀佢嘅信，裡面竟然係放咗溪錢同活生生嘅麵包蟲，嘩！好核凸同好邪囉！封信十足十足拍戲要落人降頭嗰啲道具咁！台灣華納音樂就梗係即時報警處理。
蕭敬騰知道之後，聽講心情好低落，話唔想做任何揣測住，會配合調查，希望揪出寄信者。咁就梗係低落啦！因為之前一直有傳被懷疑係淋屎嘅幕後黑手日籍富婆粉絲（Yuki），心深不忿，上個月喺微博話對蕭敬騰同佢經理人林有慧作出控告，指兩人誹謗佢係瘋狂粉絲、狂敲門行為騷擾佢半年、狂敲門狂按門鈴同侵入等全屬不實言論。0依家單淋屎案重調查緊。
蕭敬騰之前都有講過身邊同事已多次接獲恐嚇，但佢絕對唔會向惡勢力低頭。今次睇嚟唔只係惡勢力咁簡單，唔知蕭公子又會點應付呢？
蕭敬騰知道之後，聽講心情好低落，話唔想做任何揣測住，會配合調查，希望揪出寄信者。咁就梗係低落啦！因為之前一直有傳被懷疑係淋屎嘅幕後黑手日籍富婆粉絲（Yuki），心深不忿，上個月喺微博話對蕭敬騰同佢經理人林有慧作出控告，指兩人誹謗佢係瘋狂粉絲、狂敲門行為騷擾佢半年、狂敲門狂按門鈴同侵入等全屬不實言論。0依家單淋屎案重調查緊。
蕭敬騰之前都有講過身邊同事已多次接獲恐嚇，但佢絕對唔會向惡勢力低頭。今次睇嚟唔只係惡勢力咁簡單，唔知蕭公子又會點應付呢？