韓國男星李東旭主演嘅新劇《鋼鐵人》噚晚首播，除咗同少女時代成員秀英同日開播嘅《我人生的春天》，正面對撼之外，李東旭仲充滿信心，想截趙寅成嘅《沒關係，是愛情啊》尾糊，事關《沒關係》收視一直墊底，好可能趁噚晚同今晚大結局收視反彈稱冠。

講起李東旭，佢喺《鋼鐵人》入面飾演異能人，一發火就會周身刀，有指金秀賢同李鍾碩之前飾演外星人或異能人嘅劇集都大受歡迎，因此李東旭都被睇好有望成為下一個「都敏俊」。