王梓軒與陳潔儀（Kit）昨晚以音樂劇《利瑪竇》的主僕組合打扮出席晚宴，兩人近日忙於綵排舞台劇經常見面，因而默契十足，梓軒說：「我哋呢個組合出event係第一次，之前冇夾過着咩衫，我只係知佢會着得好靚，我就着得好少少。」Kit笑言男仔衣服很易猜，她說：「唔係黑就係suit，我哋今日做咗好多訪問，已經好有默契喇！衫都襯到。」

Kit舞台劇經驗豐富，梓軒被問到有何得着時，他笑笑口說：「佢有買好多嘢畀我食，袋啲嘢入我肚度，Kit係一個以身作則嘅人，佢會用佢自己嘅演繹感染大家，我係受到佢感染，佢冇直接開口教，但係佢嘅正能量係影響到大家。」

在《利》劇中梓軒演利瑪竇，跟着Kit這位僕人，但現實中梓軒卻調轉：「現實係相反，Kit係主，我係僕，我好仰慕你，有咩需要？幫你開門呀？」Kit大讚「梓軒有風度」，她由新加坡來港已有差不多三星期，但仍未有機會跟梓軒到處覓食，因為每天工作都很攰。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV