王晶執導嘅《賭城風雲2》最緊開拍中，雖然冇咗杜汶澤同謝霆鋒，但係就搵咗余文樂做發哥周潤發嘅徒弟，而影后劉嘉玲都會演出，飾演發哥情人。

今日喺劉嘉玲嘅微博，就見到佢貼咗幾張相，一張係嘉玲同發哥嘅合照，一張係同葛民輝嘅合照，仲有一張王晶﹑發哥﹑嘉玲﹑葛民輝及劉偉強合照。

嘉玲仲話：「愉快的下雨天，攝影---周潤發」咁即係話張相，係由發哥揸機自拍，發哥影相了得就大家都知，但係估唔到連自拍都難唔到發哥，睇啲相發哥仲笑得好燦爛，睇嚟落雨都唔會影響到佢哋嘅心情。