我哋嘅「牛下女車神」李慧詩都有教大家：「踩單車，安全先至係第一。」好明顯，效力英超球隊史雲斯嘅西班牙前鋒洛蘭迪就冇聽過呢句說話，皆因佢喺唞暑期間，同家人一齊踩單車時發生意外，結果下臂骨折。史雲斯發聲明話：「雖然洛蘭迪今次受傷唔需要做手術，不過預計要休息六星期，而我哋嘅季前訓練亦因此而要有所變動。我哋希望佢可以趕及喺新一季英超開鑼前好番啦！」