地產多聲道：維景4年累售九成
蘋果日報 2003/11/19 00:00
新地同太古合作嘅將軍澳維景灣畔，由開始賣樓到最後第17座收樓，經歷近4年光景，累積賣咗5000伙，佔整體九成。喺呢個重要時刻，發展商太古地產高級營業經理馬淑貞，聯同首次出席該盤記者會嘅新地周國賢齊齊慶祝。
維景灣畔銷售工作一向由太古負責，除咗首期開售時郭炳江出席過記招，繼後嘅記者會新地高層都絕少現身。據馬淑貞講，月初第16、17座取得滿意紙，業主亦開始收樓，象徵項目邁向新里程，所以特邀周國賢做神秘嘉賓！
另外，即日起首30名買家，可以任揀以下其中一項優惠，包括雙人7日歐洲旅遊、新地及太古旗下商場萬八蚊購物簽帳額、兩年來回東區海底隧道券、入伙酒席禮券等。
羅守耀新戲暑假上映
裕泰興羅守耀一向都視電影為最大興趣，噚日佢出席樓盤記者會時透露，第一部由佢編劇嘅愛情片明年初開拍，有機會喺暑假檔期上映，雖然選角重未定，但佢猛讚何超儀喺《豪情》嘅演技，唔知會唔會邀請佢演出呢？
羅少嘅創意唔單止用喺劇本，連旗下樓盤改名都包辦埋。裕泰興喺火炭樂霞坊嘅項目命名「豔霞花園」（TheMorningGlory），佢話改名想同個地區有啲關係，所以用咗個霞字，再揀個佢鍾意嘅豔字做配搭，加上個盤可以睇到日落日出，中英文名可以配合番咁話。
維景灣畔銷售工作一向由太古負責，除咗首期開售時郭炳江出席過記招，繼後嘅記者會新地高層都絕少現身。據馬淑貞講，月初第16、17座取得滿意紙，業主亦開始收樓，象徵項目邁向新里程，所以特邀周國賢做神秘嘉賓！
另外，即日起首30名買家，可以任揀以下其中一項優惠，包括雙人7日歐洲旅遊、新地及太古旗下商場萬八蚊購物簽帳額、兩年來回東區海底隧道券、入伙酒席禮券等。
裕泰興羅守耀一向都視電影為最大興趣，噚日佢出席樓盤記者會時透露，第一部由佢編劇嘅愛情片明年初開拍，有機會喺暑假檔期上映，雖然選角重未定，但佢猛讚何超儀喺《豪情》嘅演技，唔知會唔會邀請佢演出呢？
羅少嘅創意唔單止用喺劇本，連旗下樓盤改名都包辦埋。裕泰興喺火炭樂霞坊嘅項目命名「豔霞花園」（TheMorningGlory），佢話改名想同個地區有啲關係，所以用咗個霞字，再揀個佢鍾意嘅豔字做配搭，加上個盤可以睇到日落日出，中英文名可以配合番咁話。
差唔多3年冇嚟香港賣樓嘅招商地產，聽總經理助理朱文凱講，公司2000年喺香港賣過蛇口花園城之後，就冇再嚟喇。𠵱家見香港已落實興建西部通道，而且香港樓市又開始轉好，加上中央政策嘅推動，深港兩地關係更加密切，所以佢哋都重新部署，打算每年會攞兩三個樓盤嚟香港賣。
率先推出嘅係由中原中國代理嘅深圳南山區「陽光帶海濱城」第1期，平均呎價約700蚊。
另外，朱總話公司今年賣咗過千個單位，套現10億元人民幣；明年計劃推出6個樓盤，總樓面約30萬方呎。
新地代理執行董事雷霆明年負責銷售嘅樓盤，盤量雖然比今年少，不過單位總數同總值就多好多。明年主力銷售嗰兩個大盤──馬灣珀麗灣3期同埋九龍站3期凱旋門，合共2500個單位，市值超過100億元；比今年賣嗰3個豪宅盤──山頂加列山道71號、西半山寶珊道1號同何文田山道1號，夾埋得百零個單位，套現約30億相比，真係差好遠。
唔怪得雷霆都話，自己今年唔係賣咗好多樓。不過成績相當唔錯，除咗何文田山道1號剩番兩個複式單位之外，其餘全部賣晒，都算有交代。
蘭西
電郵地址：
朱文凱（左）話今後每年會攞兩三個樓盤嚟香港賣。
豪廷峯由兩座組成，住客會所設施齊全，泳池佔地廣。