宣萱、章小蕙和羅傑承昨日分別出現中環。宣萱與前政務司司長陳方安生幼子陳鴻偉李美恩夫婦私交甚篤，談到李美恩再度懷孕，她說：「我之前先探完佢，佢𠵱家有咗四個幾月，佢呢胎又係仔嚟㗎。」

宣萱露口風
宣萱更大讚陳鴻偉的兒子陳德浩可愛，她說：「佢嗰樣好似佛咁，好得意，佢見到狗仔重會好開心㖭。」
問宣萱是否有計劃生BB，她笑說：「等結婚先算啦。」記者追問她何時結婚，她說：「呢啲嘢唔係成日掛喺口邊，可能係兩年後嘅事。我如果結婚，會生小朋友，最好係一仔一女。」
問宣萱會否做未婚媽媽？她說：「如果咁唔小心，我諗我都會生，不過最好就結婚先，小朋友要有完整嘅家庭先會好㗎。」
採訪：JessicaNgan、DebbieLum、RitaLeung
攝影：ChanKwingWai