曾演出美劇《Heroes》嘅26歲女星希丹彭妮蒂亞（HaydenPanettiere），去年尾為烏克蘭拳王未婚夫傑素高（WladimirKlitschko）誕下B女KayaKlitschko，不過希丹上月尾自爆發現自己患上產後抑鬱症。
佢嘅發言人表示：「希丹自願入醫療中心尋求專業人士幫助，她正對抗產後抑鬱症。」發言人又指希丹希望傳媒尊重佢嘅私隱。

希丹最後一次更新twitter係四日前，其實佢呢期上載嘅相都冇笑得好似之前咁燦爛。

希丹上月尾登上電視節目曾大談產後抑鬱：「產後抑鬱係好多女人嘅經驗，當講到產後抑鬱好多人會覺得係對細路有負面感覺，包括好想傷害佢，但我從來冇咁諗，有啲女人會咁，但你要知道產後抑鬱都有好多種，呢樣嘢要講出嚟同人傾訴，女人要知道佢哋唔係孤立無援，可以醫治。」