萬綺雯（蚊蚊）剛剛約滿無綫，之前大台一直游說蚊蚊由部頭合約轉做經理人合約，雖然她已榮升做一線女主角，發展不俗，蚊蚊最終都是不為所動，拒絕簽綁手綁腳的經理人合約，蚊蚊今年6月與無綫完約之後，還隨即飛往歐洲旅遊，跟大姐明（林建明）組成「Hea爆旅行團」。據知蚊蚊在去年拍攝《老表，你好hea！》的時候先後有6隻貓貓去世，情緒受到極大的影響，但是當時卻又要硬着頭皮接拍笑片，令她未能好好處理多隻愛貓離世的傷痛情緒，所以蚊蚊最後決定暫停所有工作，給自己時間沉澱和釋放。
蚊蚊老公陳十三昨日接受電話訪問，表示蚊蚊亦曾跟他談及離巢一事，他說：「佢自己身體各樣都要休息吓，𠵱家捱係比較辛苦，啲貓貓又走咗，啲情緒又唔係咁好，咁咪停吓囉！」

受貓咪離世打擊

6隻愛貓相繼離世，包括他們的定情貓，陳十三表示暫時不會考慮再養貓，他說：「暫時大家冇呢個打算，好似6個親人走咗，真係幾難受，走得比較急，同時間咁多，打擊係一連串。」
蚊蚊休養期間，兩夫妻會不會考慮生B，陳十三說：「暫時唔考慮住，我哋有共識，我哋好清楚喺度做緊乜嘢，係意外發生，嗰啲唔計喇！唔會係考慮之列！」不過，陳十三承諾忙完手頭上的電視和電影工作，會計劃跟蚊蚊放一個悠長假期，享受二人世界！
採訪：非非