拍賣會安排由嘉玲拍賣最後一件畫作,嘉玲近年愛上收藏藝術品,她說:「睇幅畫好過買衫同袋。」偉仔都有收藏?她說:「都鍾意,係一啲佢覺得好過癮嘅,我就鍾意色彩繽紛同油畫,年紀漸大,會買啲禪啲嘅,心境有溝通。」提到鞏俐以1票之差輸了金馬影后,會否戥她不值?嘉玲說:「冇話唔抵,所有嘢都要天時地利人和,佢拎唔拎到都係我心目中嘅影后。」
鄧永鏘女兒鄧愛嘉將在後日起連續3天於北京舉行婚禮,嘉玲表示會先去高圓圓的婚禮,再到北京參加。而提到女兒的婚禮,鄧永鏘則說:「係佢嘅婚禮,佢自己管,佢話自己管晒。」他表示會邀請一、兩個皇族成員,會請其他藝人嗎?他說:「𠵱家後生搞,唔鍾意老鬼去,唔一定請我哋嘅朋友,喺北京有好好藉口,唔使大搞,唔使嚟,最重要個女同未來女婿。」
採訪:溫敏芝
攝影:沈健程