【利敬國停賽割愛】姚本輝送暖到沙田 貝力斯同「神駒」合體
蘋果日報 2019/10/06 10:00
停賽姚本輝貝力斯利敬國機智神駒杜美爾
貝力斯在港策騎日子開始倒數- 機智神駒（近）早前由利敬國贏1200米谷閘
公司騎師牌照喺12月終到期嘅貝力斯，自開鑼日（9月1日）贏出韋廐「明月昇輝」以來，一直冇再建功。
貝力斯今季除獲得韋達支持外，最近姚本輝都向呢位小將送暖，向佢提供座騎。
今日（6日）沙田第八場三班1400米草地「機智神駒」，上季尾喺杜美爾胯下，直路一攻而破，贏出四班1400米，表現十分出色。
「機智神駒」如今初戰第三班續跑同程，早前曾由利敬國試谷閘，今期佢停賽被迫做觀眾。
當日「機智神駒」試閘末段衝刺力強，過終點後餘勢亦佳，狀態已達上佳水平，貝力斯隨時冷手執個熱煎堆，為自己重開勝利之門。