當年今日
關於我們

金鐘「我要真普選」橫額被拆走 明哥:精神永遠都喺度

蘋果日報 2015/09/20 06:00

蘋果何韻詩黃耀明金鐘大愛同盟即時一點粉紅我要真普選

黃耀明同何韻詩今日以大愛同盟創辦人身份,出席金鐘添馬公園舉行嘅「一點粉紅」活動,官方公布今日有15,500人參加,何韻詩父母今日都有嚟到支持,有傳黃耀明帶情人到場,但明哥話:「平時活動佢都有嚟睇,今日喺台下somewhere地方,呢樣嘢都唔係新聞。」

法國領事指兩個法國人可以喺香港法國領事館入面結婚,明哥可考慮註冊?明哥笑住話:「係咪要識番個法國人?其實最好香港有同志婚姻合法。」香港一路不合法,可考慮去其他地方註冊?「冇諗過住。」而明哥喺台上唱咗幾首歌之後,就同觀眾講:「要繼續爭取、繼續發聲!」

講到金鐘出現「我要真普選」橫額,之就被拆走,明哥話:「我諗政府有關方面拎走都冇用,呢個只不過係一個象徵,精神永遠都喺度,佢哋繼續拎走,但唔會拎走雨傘運動精神,佢哋唔好呃自己啦。」一周年活動有何活動舉行?明哥話:「由聽日開始搵番曾經參加雨傘運動嘅人,之後會有活動,直至下個禮拜,大家留意聽日facebook會公佈,同埋睇吓各界有冇相關活動,自己都會參與。」