報道講,當記者問到山神嘅前途,佢話:「我想長期留喺呢個城市,效力一支有勝利者氣質嘅球隊。我28歲箒,仲有大把世界。」要喺倫敦同埋有冠軍氣質嘅球隊,肯定唔係話阿仙奴啦,仲唔係家陣英超榜首車路士!不過,英國《衞報》同《獨立報》就即刻走出嚟澄清,話因為繙譯問題,唔少英語傳媒都誤解咗山神嘅意思,其實山神想話倫敦係好地方,想完成同阿仙奴嘅合約,並冇透露離隊嘅意思喎。此外,奧斯爾話屋企人想佢返德國,「如果我返德國踢波的話,我好多屋企人,尤其阿媽都會好歡迎。」山神疑似上「車」,但前車路士、韋斯咸前鋒卡頓高爾就加盟印尼嘅萬隆,簽約10個月,嚟緊會同艾辛做隊友。