建制派蝦碌離場成就政改方案以8票贊成、28票反對嘅大比數被否決，唔少人津津樂道。八方噚日同位高人傾開，佢從中參透8.31密碼。讀者應該留意到，政改表決一刻，有8名建制派議員留守議事堂，履行建制派嘅橡皮圖章任務，對政改方案投下贊成票。至於31又所謂何事？咪講緊當時有31位議員，喺林健鋒「人急智生」同葉國謙吹雞下齊齊walk out囉。
建制派8人留下投票，31人離場，咁啱係8.31。高人補充，全靠當日留喺議事堂但乜都冇做過嘅潘兆平全程隱形冇投票，先可以完美演繹建制派嘅8.31咋。八方再做一次「場內點票」，發現當時有9名建制派同28位投反對票嘅泛民加上醫學界梁家騮，咁啱係9.28呀！