韓國天團BIGBANG嘅29歲成員T.O.P今日現身法院就佢單大麻案件接受審訊，當中檢方就要求判刑10個月，緩刑兩年執行，案件將於下月20號接受審訊。

而代表T.O.P嘅律師喺現場亦有接受傳媒訪問，當中律師提及T.O.P患上恐慌障礙及抑鬱症，一直接受治療，而喺入伍前，T.O.P一直承受巨大壓力。同時律師透露當時T.O.P正同練習生A某(即韓瑞希)交往，喺酒醉咗酒情況下，T.O.P一時衝動就犯咗錯事，T.O.P方面已意識到自己錯誤，並指T.O.P當時喺A某誘導下吸食大麻。

律師強調T.O.P喺得知出現問題後，已經同A某分手，同時亦立即停止食大麻。