香港興業（480）位於大嶼山愉景灣嘅海澄湖畔即將推出發售，發展商聽日會同傳媒聚餐，講講個盤嘅最新銷售動向同環保設施。蘭西初時以為香港興業總部設喺中環，應該會喺番中區設宴，但原來今次係喺灣仔新時代中心。究竟點解揀嗰度，真係到時問吓至知。
美國化工業巨擘杜邦化工，以香港為亞太區總部嘅杜邦中國，最近落實搬遷，由尖沙嘴新世界中心搬去同區港威大廈。聽講決定之前做過詳細調查，問過港威啲租客滿唔滿意，可見佢哋做事都好認真同小心。
新世界發展（017）舊年推出多個新盤同貨尾盤，重搵埋代理幫手散貨。噚日就搞咗個頒獎禮，結果美聯同香港置業，因為喺大埔道爾登華庭同香港仔田灣畔嘅銷售成績都係全行之冠，所以順理成章攞咗個獎。
蘭西