林嘉欣、徐濠縈與上山詩鈉女兒Hilary今日到中環出席化妝品活動，嘉欣透露護膚心得是不用工作時會素顏，讓皮膚休息，每星期敷面膜一次，而秘密武器是要長期保持戀愛感覺，她笑說︰「靠想像，諗吓以前拍拖時候。」

不過，嘉欣都大讚老公經常送驚喜給自己，最驚喜是甚麼？她說︰「佢出埠工作時，有時會比預定日子早一、兩日返，咁突然見到佢會好開心。」至於換轉她有甚麼驚喜給丈夫，她面露尷尬笑容表示沒有，因為平日精神都放在照顧兩位女兒身上。

對於是否跟黃偉文及麥浚龍合作新歌，嘉欣聞言表示︰「係咩？詳細問番佢哋。」是否要保密？她說︰「未知，我10幾年冇唱歌，如果再唱都有少少驚，返片場感覺似返屋企，但入錄音室得一個人，自己聽自己唱會驚，除非係好好好好聽嘅歌。」

另外，徐濠縈平日都有教導囡囡康堤護膚心得，每逢有品牌送贈產品，康堤最有興趣拆包裝，她指囡囡現時只搽眼睫毛液及唇膏，仍然要保護她幼嫩肌膚。康堤早前被影到拍拖，阿徐坦言囡囡對出街拍拖仍然有陰影，她笑說︰「我有時會車佢去偷情戲院，即係好偏遠嘅戲院，之後又接佢走。我都主動叫佢出街拍拖，佢哋唔係睇戲就嚟我屋企。」她不時輔導兩人要接受被傳媒影到的可能。

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9