【自說自話】民間記者會發言人斥林鄭:完全冇理五大訴求 根本唔係對話
獨立調查委員會社區對話民間發言人
林鄭周四晚(26日)在灣仔舉行首場「對話會」,民間記者會發言人回應時,批評林鄭所謂的對話平台,「一如所料係錄音機,完全無回應過訴求」,他稱即使場內發言中支持民主派或抗爭者的比例極多,反映民心所向,「幾乎每個(發言人士)都希望政府回應五大訴求,例如先成立獨立調查委員會,但佢(林鄭)都完全冇理,根本稱唔上係對話。」
發言人質疑林鄭只為「做樣」,意圖為十一遊行等降溫,「扮有誠意,但係連鱷魚淚都谷唔出。」他又認為抗爭者根本不會收貨,「大家應該知道未來幾日要做啲咩。」他坦言,若林鄭的所謂對話平台是沒有前設,「佢要同市民對話根本唔使做大龍鳳,去一去示威區聽下民意就得,唔使咁麻煩、咁擾民、咁高姿態咁,根本就係做騷。」
曾申請元朗遊行被拒的鍾健平亦力斥林鄭「唔好浪費公帑搞公關騷,浪費人力物力、又擾民」。他稱今次所謂對話會,「球證係佢、旁證又係佢,但150人入面都有成八、九成人唔撐佢」,可見主流民意均不滿政府,但她仍態度依舊,「完全唔係聽緊在場人士講嘢。他又稱有指林鄭仿效法國總統與民對話,但對方是一人一票選出來,兩者根本基礎不同,不應東施效顰。鍾形容香港根本沒有撕裂,「只係全港市民與777及警隊的對立。」他亦不明白為何是食物及衞生局局長陳肇始等人與她出席對話,「應該出嚟嗰啲,如李家超等,又唔出嚟。」
-----------------------------
日期:9月28日(星期六)
時間:晚上7時至9時
地點:添馬公園
註︰已獲不反對通知書
主辦︰民間人權陣線
-----------------------------
日期:10月1日(星期二)
時間:下午2時
地點:維園集合起步往遮打道
註︰不反對通知書申請中
主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此 -----------------------------
百日特刊記載香港人逆權之路
《逆權百日》
《自由之夏》 -----------------------------
《囚牢之疆》 專頁
揭開集中營邪惡面紗
今日新疆 明日香港