黃貫中（Paul）近日忙於照顧懷孕約三個月的女友朱茵，Paul爆料指朱茵一日要食九餐，但每次吃一啖便叫飽，為免浪費食物，Paul只好食光餘下的食物，他說已準備會增肥20磅，Paul又笑言要上街爭取醫院產科床位，但談到身為基督徒的朱茵未婚懷孕卻表現激動。

將做父親的黃貫中近日勤力工作賺奶粉錢，他昨日與周柏豪在銅鑼灣出席慈善義賣活動，Paul指雖然要照顧大肚女友朱茵，但暫時工作時間表如常，問到朱茵身體狀況，Paul說：「佢冇唔舒服，冇作嘔，我有晒呢啲心理準備要照顧佢。」

預咗肥20磅

問朱茵可會想到食甚麼便要Paul送上？他說：「叫我買唔係問題，佢大肚一日食九餐，但食一啖又話飽，我哋唔想浪費，佢食唔晒咪我食埋，我家都肥咗5至6磅。我預咗自己會肥20磅，家我體重約130磅。」
醫院產科床位近期爭崩頭，問Paul是否已安排好？他笑說：「我會上街爭取，還我床位。」為了朱茵和BB健康，身為煙民的Paul說已盡量少吸煙：「食少咗好多，出街都少食，去台灣同澳門先食。」Paul也開始為家中的愛犬做心理輔導，他說：「畀狗接觸多啲大肚婆，等佢知遲啲有BB會嚟，都奉勸有BB嘅人唔好遺棄啲狗仔。」

發惡質問記者

之後本報記者上前問Paul有關身為基督徒的朱茵未婚懷孕，被指犯禁一事，Paul反應甚大，還發惡問記者：「你係邊間㗎？你大聲講你係邊間㗎？」Paul最後要由助手拉開。
採訪、攝影：盧妹