香港大學建築系助理教授李浩然表示，世界各地如波蘭、柬埔寨、南斯拉夫、日本廣島等，均設有類似的戰爭紀念館，作為世人的警惕，這類紀念館記載了滅絕人性的戰爭罪行，與六四紀念館的性質相似，同樣符合了世界文化遺產條件。
「六四事件係一個集體回憶，意思係呢件係一件非常重要嘅社會大事，大到唔可以唔記得，世世代代都要記住背後個教訓，所以六四紀念館係重要嘅。」他認為紀念館應由政府帶頭興建，但相信難度甚高，「好似歐洲一啲極右主義組織咁，到𠵱家仍然否定猶太人，想鞏固白人種族優於一切，就會唔想要呢個集體回憶存在。」
珠海學院香港歷史文化研究中心主任蕭國健指，建立紀念館最需要錢，即使政府不支持，只要民間能籌集足夠款項也能成事。
不過，他認為同時要加強教育，「如果唔係，個個去到樂蜀寫我到此一遊，完全冇保護文物嘅意識，亦係完全冇用。」
六四24年，我們不想記起，但未敢忘記。
蘋果六四專頁： http://6471.appledaily.com/