【新增智孝、HaHa內容及圖片】
韓國人氣綜藝節目《Running Man》嘅前成員Gary，日前喺網上宣佈同圈外女友結婚，令唔少粉絲好驚訝。

而Gary原定下月21日喺馬來西亞開演唱會，但主辦單位日前突然宣佈演唱會將取消，又話會安排退票畀已購票嘅觀眾，令外界揣測是否因為Gary結婚而影響票房，因而取消。另外，根據相關人士指今次取消演唱會係因為Gary未收到訂金關係。

由於眾多揣測，Gary噚晚就喺Instagram發文親自為事件解釋，Gary話因為主辦單位而取消演唱會，自己亦因為冇經理人公司同宣傳團隊，所以未能好好向粉絲說明一切，佢話自己下次會避免有同類事件發生，亦希望今次事件冇產生誤會，同時承諾隨時準備同馬來西亞粉絲見面，感情大家嘅關心。

另外，Gary突然將Ig大部份嘅帖文都刪除，現時僅剩下三條帖文。

而《RM》成員早前於馬來西亞舉行見面會時，宋智孝就表示成員都係睇新聞先知Gary結婚：「雖然有啲難過，但都衷心祝福哥哥新婚快樂。仲有佢換咗手機號碼，希望佢可以聯絡我哋。」HaHa就透露自己得知Gary結婚後，亦有傳短訊祝賀對方，不過就未有收到Gary嘅回覆，HaHa就補充：「Gary哥向來都係個獨特嘅人，我相信佢會打電話畀我哋嘅，We Love Gary！」

難得生性暴龍哥創科眾籌夢，遭隱世肥報販秒殺！ https://goo.gl/hnEB7D

「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw