都話香港人生活空間少㗎啦，唔係個個人都有2,000呎樓可以俾女友玩嘅。自認人渣嘅周永恒身邊女伴時常變變變，日前又被發現喺天水圍同女友Britni纏綿，唔怕俾人睇蝕。出街拍拖，情到濃時普通人都忍唔住啦，何況係一班明星呢：

何傲兒
何傲兒同林建名傳過「兒孫戀」，傳聞曇花一現後認咗對方做契爺。而「兒孫戀」之前，何傲兒一直同周子揚拍拖，除咗被發現喺車廂中互咀，愛火燒得最勁個次，兩人足足喺家品店連咀咗13啖。

李潤庭
大台節目主持李潤庭，上年被周刊發現背妻偷食，喺赤柱同小三Tiffany摸pat濕吻，結果驚爆原來係四角戀。事後李潤庭要開記招道歉，承認離婚、停工。

竇靖童
王菲大女竇靖童跟隨媽媽步伐，加入咗樂壇，成日四圍飛演出/錄歌，上年童童與同性密友Rebecca 不時出雙入對，其中一次兩個人約埋朋友去咗北京一間露天cafe食飯，突然Rebecca主動攬住童童送吻，童童亦大方接受。

蔡慧敏
大台前藝人37F「大乳牛」蔡慧敏 ，試過被影到同小雪前夫到台灣六星級酒店偷情，又試過被影到搭上楊紫瓊胞弟，除咗有喺車廂舌戰，仲入咗公園繼續談心。