當年今日
關於我們

【獨家】法籍男友高成個頭 Double May露腰十指緊扣睇戲

蘋果日報 2017/12/19 00:00

杜汶澤楊浩兒Double May

杜汶澤近日多搞作,佢搞嘅網台亦進行如火如荼。之前阿澤係facebook貼咗一張新請網台助手Double May(楊浩兒)嘅相,佢一身熱褲小背心嘅打扮,加上青春迫人嘅魅力,即時引嚟好多網友自薦想去阿澤間公司返工,仲有啲話要送禮上去。醉翁之意,冇非都係親身想見下Double May啫。
不過Double May早前接受《蘋果》訪問時已經透露名花有主,身為足球經理嘅佢,識咗位大學足球隊成員、法國籍嘅男朋友。上月初呢位法國男友嚟咗香港,Double May帶咗男友去圓方商場睇咗場9點半戲。
佢哋揀咗套懸疑片睇,現場所見Double May雖然冇着佢件小背心,但係緊身上衣加上低腰兼露腰嘅緊身牛仔褲,將佢美好嘅身段表露無遺。而佢位法籍男友貌似前巴西國家足球隊嘅卡卡,而且身型仲有過之而無不及,足足有六呎高,身材非常健碩。Double May就算着住對3吋踭嘅鞋,都同男朋友差咗成個頭,所以經常見佢要仰起頸同男友傾偈。
套戲睇到接近凌晨散場,佢哋十指緊扣離開戲院,行咗去九龍港鐵站,臨上車前Double May去櫃員機提款,然後幫男友入八達通。因為接近凌晨,所以班次都比較疏落,兩個人坐喺度等車。但起先佢哋好似有啲拗撬,兩個冇乜交流,不過後來法國仔開始o氹番女友,先將手搭喺女友大髀,之後兩人開始雞啄唔斷。上到車廂入面佢哋仍然不停講,可能真係太耐冇見。之後佢哋喺中環站轉咗去上環站落車,之後行到一間唐樓,由法國仔按密碼上樓。
Double May事後接受《蘋果》訪問時,話男友嚟香港係做實習生,一月就會返法國升讀碩士,而對於Double May踏足娛樂圈更加係抱支持態度,希望女友可以做自己鍾意嘅事,仲話兩個人嘅身高一啲都唔影響兩人平時嘅生活。
更多娛聞,喺晒《娛果》
http://fb.com/appledailyent
empty
(採訪、攝影:梁繼光、羅德光)
empty
男友真係好高
empty
兩個坐低等車
empty
empty
露條小蠻腰都好性感
empty