袁彩雲(Fiona)今日帶同囡囡(Alycia)現身新城電台接受訪問，已移居加拿大生活的她，每年都會回港，今年特地帶同囡囡回來探望家人，她表示：「舊年我自己返，老公留喺當地就比較辛苦，要接佢返學放學加上唔識煮嘢食，所以今年就帶埋囡囡一齊返嚟。」

每次回來都會順道接些主持或廣告工作，今次都不例外，由於有囡囡同行，Fiona稱特地安排囡囡稍後回無綫出席兒童節目：「我細個嗰陣都會好想喺現場睇兒童節目，所以特登安排Alycia去睇，佢知道後好開心，仲已經諗定到時點同哥哥姐姐打招呼。」

問到女兒可曾看過媽媽以前主演的劇集？Fiona笑言：「佢未睇過，不過有睇過我以前參選嘅片段，仲問我係咪公主，點解會戴后冠？我話我係香港小姐，佢話第時都要做香港小姐。」會否鼓勵女兒日後入行？她說：「睇佢自己意願啦，如果佢想我都冇所謂，始終我喺呢行經歷過，係幾有趣嘅。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef