袁小姐不忿言：「𠵱家突然話要關門，又違反承諾要我嘥車錢去幫襯其他分店，對我好唔公平。而且分店經理明知就快關門，點解仲要游說我買多30,000蚊服務？」
TheSPAByL&YBeautyCentre回覆，該公司一直與大業主傾談續約事宜，至6月中才接獲大業主最後通知，決定不再續約，該公司於無計可施下，決定暫停中環分店業務。
因此，客人於3月購買療程套票時，所有職員均沒有想到中環分店將會暫停營業。惟該公司現已積極於中環另找地點繼續營業，於過渡時期，客人可自選該公司其他分店繼續使用服務。
該公司重申，由於客人可在其他分店使用服務，而服務性質、種類及質素均與中環店無異，故暫不會考慮退款。
消費者委員會發言人黃映秋表示，如商店未能履行承諾，理應按協議退出合約。「不過，個案涉及嘅係口頭承諾，冇喺合約上面註明，如果事主要求有關公司退款，並唔容易，可能需要經小額錢債審裁處申索。」
檔案編號：0730030