小肥與J.Arie因合唱電影主題曲《哪懼牆攀不上》，被譽為新螢幕情侶，兩人今日到新城為歌唱比賽擔任評判。

小肥笑指心裏不想做評判：「其實做評判真係好傷神，每次有人問我，我都唔想做，不過我做評判嗰陣，都會好認真，所以好攰。」他表示是首次為直播節目的歌唱比賽做評判，感覺新鮮。J.Arie透露參賽者是walk-in到場，因此事前不知道是怎樣的人：「頭先都見到有人拎住支結他排隊，我嘅小tips係唔好揀難度太高嘅歌，唔知點解有啲人一比賽，就要表演跳火圈，其實唔使。」小肥大表認同，坦言比賽時一定會緊張，所以必須揀最熟悉的歌參賽。

被譽為新螢幕情侶，兩人訪問期間又相約再去旅行，記者笑問他們會否日久生情變真情侶？小肥即斬釘截鐵說：「唔會，佢男人嚟㗎嘛。」J.Arie即自嘲說：「咁又係，不過我成日搞佢囉。」

另外，被問到好友陳慧敏早前在埃及遭性侵，小肥說：「我都有再慰問佢，同埋等佢返嚟再鬧佢。我哋都知佢性格，有啲地方叫咗佢一定要搵導遊陪住，不過佢喺印度、巴基斯坦都試過冇導遊就自己出去，佢又唔係醜樣，太任性啦。」

採訪、攝影：盧妹
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇