當年今日
關於我們

【引渡惡法】為200萬+1感自豪 張寶華指盧偉聰:言語同行為係不切合

蘋果日報 2019/06/24 18:51

引渡惡法反送中hksfo林鄭月娥警務處處長張寶華畫展盧偉聰

張寶華今日在尖沙嘴舉行個人畫展,出席者有曾俊華、汪明荃(阿姐)、翁嘉穗、黎芷珊等,張寶華指這個畫展叫「一點點的美好」,她指以往會好追求物質,但現在才發現與家人相處是最開心。
會否覺得現時的香港欠缺一點點的美好?她說:「其實香港本來好美好,係有時有啲人破壞咗佢,我喺台上都話,我曾經經歷過情緒好低嘅低谷,我靠畫畫行過去,我嘅低谷就好似而家香港嘅情況,可能大家都唔係好知個方向係點,因為香港喺一個好非常嘅時間,但我覺得最緊要係唔好失去信心,唔好對香港失去希望,我覺得我哋一定可以行得到出去。」對於很多香港人因爲覺得沒有信心和希望,才走出來為自己爭取,張寶華說:「呢個世上好神奇,當你覺得政府夠票,林鄭好強硬,以為一定搞得掂,佢冇諗過有200萬香港人行出嚟,所以我覺得永遠都唔會知道下一步係點,起初都諗住冇得搞,所以never say never。」
對於她早前在facebook發表反送中言論,還表示對特首林鄭月娥指6.12警方以武力鎮壓清場是執行職務是理所當然「天公地義」而感到「完全死心」,張寶華表示:「我唔係對林鄭有冇信心,係對香港好有信心,對香港人好有希望,咁和平地、200萬人出嚟係一件唔容易嘅事,我身為香港人都覺得好愕然,但都好proud of呢樣嘢。」提到政府仍未回應市民的「5大訴求」,張寶華指政府蠢:「我唔明佢嘅思維邏輯,你停咗立法,即係已經等於撤回,CP(警務處處長)出嚟講話唔會定性為暴動,點解佢唔做符合佢嘅行為,即係佢嘅言語同行為係不切合,我只可以話唔明佢嘅邏輯。」
此外,翁嘉穗以低胸裙現身,她笑指老公不在港,平時只看時事新聞。她表示大仔在波士頓大學讀一年級,「返嚟放暑假,仲做咗2份暑期工。」問到會否擔心大仔與外籍人士拍拖?她笑說:「國籍冇乜所謂,但老公就比較傳統。」
-----------------------------
7月4日起 《蘋果動新聞》只限升級壹會員閱覽
繼續撐蘋果!
https://hk.adai.ly/e/iIRREmuwDX
empty
(右圖攝影:黃曉妍)
empty
張寶華(左二)今日舉行畫展,邀得阿姐汪明荃等嘉賓到場支持。
empty
張寶華提到近日的反送中遊行,她指對200萬巿民和平地表達訴求,令身為港人的她感自豪。
empty
張寶華早前在facebook出post指自己對林鄭的言論感死心。(fb圖片)
empty
翁嘉穗指長子放暑假返港,更打暑期工。