韓國女神全智賢自從宣佈咗大肚後都未有公開露面，只係透過新片《復國者聯盟》發過將新相，因為當時電影喺韓國大賣，票房衝破千萬入場觀眾人次，所以全智賢即親自寫字答謝觀眾。

唔知係唔係之前要配合《復國者》嘅宣傳，近日有唔少全智賢為雜誌影嘅相推出，繼之前為袋品牌影相後，今日又有全智賢之前為時裝雜誌拍嘅新相，不過睇佢啲相個肚好平，估計應該係拍咗一段時間，但全智賢仍然不失女神風範，表現出冷傲嘅一面。

至於《復國者》之前已定咗會去內地宣傳，不過因為全智賢宣佈懷孕，所以大家都估計佢唔會赴當地宣傳，而今日電影嘅內地官方微博就公佈咗《復國者》導演將會聯同劇中兩位男主角河正宇及李政宰，將於下月7號到北京同影迷見面，名單上就唔見全智賢，相信女神0依家安心喺屋企養胎，都唔會周圍出巡。