【志雲由衷感謝】王喜鬆一口氣:七年喇!終於引證到假的真不了
叢培崑facebook陳志雲
好友王喜由2010年多次陪陳志雲出庭,七年間風雨同路(新聞連結: http://bit.ly/2mUB4Nz ),唔似昔日「迷雲黨」個個雞飛狗走,陳志雲前年被裁定兩人串謀使代理人接受利益罪成,二人早前於終審法院提上訴,法院今頒下判詞,一致裁定兩人上訴得直(新聞連結: http://bit.ly/2ni5aLK )。
志雲喺facebook由衷感謝七年以來,身邊每一位朋友,毫無保留嘅信任,毫無條件嘅支持同鼓勵,俾無與倫比嘅力量,「沒有這班為志雲承受了不少壓力的天使,我根本沒法子堅持到今天」。
王喜接受《蘋果》訪問時,亦為好友鬆一口氣:「七年喇!終於都可以引證到『真的假不了,假的真不了』呢句說話,亦都同時令大家更珍惜我哋嘅法治,能夠喺一個法治嘅社會生活係一件真係好幸福嘅事,亦係令人羨慕嘅事,所以大家努力啲捍衛我哋法治,如果遇到一啲破壞法治嘅人,我哋盡量去勸吓佢,因為任何人姑勿論你o依家或者將來做咩都好,都有機會發生一啲莫名其妙嘅變化,希望大家都珍惜我哋嘅法治。」
《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。