當年今日
關於我們

【韓流】光熙炫耀劉在錫親自打電話慰問

蘋果日報 2015/05/25 06:00

蘋果香港韓國即時無限挑戰光熙

韓國男團帝國之子成員光熙早前成功加入由「國民MC」劉在錫主持嘅綜藝節目《無限挑戰》,成為節目嘅新主持,令佢不知幾自豪。

喺噚日播出嘅節目《SectionTV演藝通信》入面,光熙就炫耀得到眾《無限挑戰》主持人嘅寵愛,佢話:「《無限挑戰》一班哥哥真係好照顧我,俊河哥因為擔心我一個人生活,仲送嘢食嚟畀我,真係嚇咗我一跳。」

佢仲話:「在錫哥亦都有打電話畀我,同我講咗好多嘢,亦好照顧我,感覺好幸福。」

另外,節目上光熙仲炫耀自己最近人氣急升,仲搶走咗原本由成員朴炯植代言嘅廣告添,佢話:「我而家拍緊朴炯植拍過踲廣告,對炯植有啲唔好意思。」

但話口未完,光熙又即刻話:「但朴炯植都有搶走過我嘅廣告。」非常搞笑。