37歲熊黛林（Lynn）去年10月嫁郭可盈胞弟郭可頌，婚後一年終於成功造人，現懷孕約4個多月嘅Lynn，今日喺微博晒大肚運動相，着嬌艷桃紅色透視背心仔嘅Lynn，透出脹卜卜嘅谷奶胸，身材比以前更加噴火，性感誘人，擺出單腳站立瑜伽甫士，留言：「現在可以在家里做一些簡單的伸展運動，拉拉筋，這個時候還要穿得美美的，我真是無藥可救了。不過不用擔心，我們的運動服不只是好看，更重要的是舒服，絕對不會影響到寶寶的。」

為咗宣傳自家品牌運動服，Lynn大方晒出谷奶身材，懷孕後肥肚不肥身，手腳仍然纖瘦，身為模特兒嘅佢果然得天獨厚，網友都留言讚佢身材好，仲憑種種跡象，估佢第一胎好大機會一索得男，「肚臍平平的，兒子」、「鼻子變大了，可能是兒子」。

不過，咁啱噚日郭富城老婆方媛（Moka）喺微博貼行山相，今日就輪到Lynn晒做瑜珈相，時間夾得好玄妙，有心水清嘅網民留言：「感覺好像方媛一更新你就更新，看來明星也是凡人哦！」

更多娛聞，喺晒《娛果》
http://fb.com/appledailyent