上個禮拜五,恒指大DeepV,唔少股民焦頭爛額,網友鍾方安心從中得出一個結論,就係「信老婆會發達」。佢話:「過去多年嘅投資都係由自己話晒事,上個月,老婆三番四次叫我將賺咗嘅股票放咁啲先,因為覺得恒指一年升超過7000點,錢冇乜理由咁容易賺。不過,我冇聽佢講,𠵱家手上有啲貨要坐艇。」
Kpjune好同意:「兩個禮拜前,我聽老婆話,放晒啲股票,𠵱家瞓得好安樂,有時女人嘅直覺好掂。不過我問佢幾時入市,佢就冇答我。」
Kanamejpy就聽個女話:「個女乜股票都唔識,不過幾個禮拜前同我講,叫我沽緊啲股票,咁我咪放咗一半貨,所以家陣冇乜點輸。」