人氣韓劇《太陽的後裔》除咗令男女主角宋仲基同宋慧喬爆紅之外，亦都令男女配角陳久同金智媛都人氣急升，今日陳久仲撇甩劇組等同事，飛咗去北京搵真銀。

今日陳久將會喺北京同過百粉絲一齊睇《太陽》嘅結局，到時擁有獨家轉播權嘅愛奇藝就會全程直擊住整個過程。而陳久頭先抵達北京時，喺機場受到當地嘅粉絲熱烈歡迎，佢仲被成班粉絲重重包圍，相信連佢都估唔到自己會咁鬼紅呢。

嚟到北京嘅陳久喺現場接受媒體訪問，佢透露正為下一部作品而積極瘦身中，又畀自己身材：「該有的還是都有的」，提到內地女藝人，佢就話自己鍾意范冰冰，大讚對方好靚，記者問佢知唔知冰冰已經有男友李晨時，陳久即話：「我都係人夫呢。」強調只係欣賞對方。至於大家關注嘅結局問題，陳久就同之前喺韓國所講嘅一樣，話唔係係sadending，話佢哋會有好結局，但都係個句啦，冇請係指佢個pair定係雙宋個pair。