李逸朗喺內地發展大概5年多，最近自資6位數字出唱片，翻唱80年代歌曲，預計8月推出。

今日佢同李麗蕊喺柴灣接受節目訪問，問到李逸朗係咪用晒5年賺嘅錢出碟，佢話：「唔係，都有啲剩，如果賣得唔好，起碼有錢買機票返北京。」

而佢仲話內地嘅樓價高，未夠錢買樓，仲話：「我想申請個魚牌，最近有朋友拎咗，喺魚牌起咗兩個貨櫃咁大嘅地方，一邊做酒吧，一邊自住都唔錯。」