日本組合Morning娘嘅33歲舊將吉澤瞳，本月6日涉嫌酒駕傷人後不顧而去，導致兩名途人受傷，吉澤瞳事發後被驗出酒精含量超標四倍。今日，吉澤瞳正式被東京地檢以違反道路交通法，以及過失駕駛致傷罪名將其落案起訴，警方翻查其行駛紀錄，證實吉澤瞳車禍時嘅車速達86公里，比規定超速20公里。

吉澤瞳至今已被拘留達二十天，由於今日拘留期屆滿，相信佢將獲保釋外出。吉澤瞳撞傷人後被爆因壓力而沉迷杯中物，但其實佢胞弟多年前也是死於車禍。至於日前公開當天車禍片段，清楚見到揸單車嘅女子同身邊男子過馬路時，被吉澤瞳駕駛嘅白色座駕撞到，當時吉澤瞳見狀未有及時煞車，並繼續踩油離開。

精選娛聞，喺晒《娛果》
http://fb.com/appledailyent