楊光宇話,根據多年揣摩所得,「劉曉波星」申請成功嘅機會怕且低過申亞,因為據講冷戰時代美、蘇雙方係咁命名自己友,搞到星星命名變成軍備競賽咁,委員會怕麻煩決定一刀切,不明文咁規定唔接受政治同軍事人物提名。
呢個由16人組成嘅委員會,議事方式都好河蟹,唔係少數服從多數,而係以和為貴,只要其中一、兩個代表唔like,大家多數會唔批個申請。楊光宇早排試過入紙命名「昂山素姬星」,但委員會有人否決。
仲有,呢個委員會入面有中國代表,但就唔知佢係咪空凳支持者喇。不過,楊光宇講明今次係明知不可為而為之。楊光宇亦都送咗兩顆小行星嘅命名權畀中大,於是,宇宙家分別有粒「博文約禮星」同「沈祖堯星」。