賴皮的窗口位中女獸 | The Beggar in the Restaurant | 店小二Mary
蘋果日報 2018/03/10 14:30
專欄地區消息蘋地乞客乞客
話說喺某個風和日麗的下午，本餐廳一早畀人request晒啲窗口位。一位中女與其友人12點正話嚟食飯要坐窗口位。
中女獸：（舉起「2」的手勢）
小二：請問兩位小姐有無訂位？
中女獸：無，要window位。
小二：小姐，窗口暫時畀客人book晒啦。Walk in的話只有入面二人枱。
中女獸：但係你而家嗰邊無人坐呀嘛？（指住窗口位嗰邊）
小二：係，因為客人都訂咗12點半／1點鐘嘅時間，所以要hold畀佢哋。
中女獸：咁你有無問過我1點鐘可唔可以還枱先？
小二：小姐，而家都12點10分啦，1點鐘就算我出得切食物，你都食得好趕。
中女獸：咁你咪唔識做生意囉。我有話唔得咩？你出得切我實食得晒。
對住呢啲就快停經嘅女人，我知一日唔畀佢坐，佢一日都會塞鬼住我個門口，阻住我入枱。咁佢個口又真係幾大，可能真係食得快，我就做咗一個好錯嘅決定⋯⋯畀佢哋坐。最後仲提多阿巫一次——
小二：麻煩小姐你1點鐘前離開。
點知阿巫坐低咗之後，仲串串貢！
中女獸：得啦！你啲食物出快啲仲好啦！
Any肥，我哋啲食物出得真係好快，我打單都打咗3個「rush」。我連頭盤同主菜都無hold，點知中女獸同個朋友原來真係得個口大，食得勁鬼慢。當我放個主菜係枱時，已經係12點半過啲啲。
中女獸：哇～你明知無位擺就咪上得咁快啦。
小二：（你個「不該」吖）我以為小姐你話出得切實食得晒呀嘛。^^
中女獸：（黑面）
之後無耐我見佢個飯食到一半就準備落定茶啡，點知阿中女獸竟然發花癲。
中女獸：阿小姐呀，你見唔見到我個飯食得一半呢？你咁趕做乜呢？
小二：小姐，因為而家好多單喺Bar，落得order嚟就差唔多㗎啦。
中女獸：我覺得你係似趕緊我走多啲囉。
小二：邊係呢～不過小姐而家都12點9啦，落埋餐茶食埋甜品我第 2 round嘅客人就嚟㗎啦。
中女獸：咁你咪叫佢等囉。我嚟先㗎嘛。
當佢講得出呢一句，我已經知呢位中女係一件乞客，仲要係一個不知廉恥嘅賴皮蟲。我都要忍住道氣⋯⋯問多次兩條賴皮蟲飲乜⋯⋯
小二：麻煩小姐你話畀我知你杯餐茶飲乜啦。
中女獸：兩杯Latte啦！真係麻煩，催催催。
差不多1點鐘，我request窗口位嘅客人已經嚟咗。而兩位阿巫仲施施然食緊嗰幾啖飯，Latte都仲未飲。個款係擺到明就唔會還枱畀你，吹呀！當我準備埋枱嗰陣，另一張枱窗口位竟然連甜品都唔食，主動埋單走人。咁明知催兩位阿巫埋單可能又要暗串一輪先畀到訂枱，我索性迮迮臨搞埋單嗰張枱畀訂枱。之後1點鐘太多訂枱到咗，太忙嘅關係我都無再理兩位阿巫，由得佢坐。
最後，中女獸叫我埋單嗰陣，竟然仲串我：出咁快，又想趕我走，最後咪又係畀我坐到1點半。
小二：啊，小姐 ，咁啱有人埋單，咁我咪唔催你囉^^
中女獸：超。
雖然中女獸最後一蚊tips都無畀，不過我希望佢會鍾意我親手沖嘅Latte啦^^
專欄作者簡介：
The Beggar in the Restaurant 店小二Mary
我係一位從來唔對客人黑面，經常笑面迎人嘅侍應，著有《乞客MENU》。
Facebook專頁：The Beggar in the Restaurant乞客
https://www.facebook.com/BeggarintheRestaurant/
中女獸：（舉起「2」的手勢）
小二：請問兩位小姐有無訂位？
中女獸：無，要window位。
小二：小姐，窗口暫時畀客人book晒啦。Walk in的話只有入面二人枱。
中女獸：但係你而家嗰邊無人坐呀嘛？（指住窗口位嗰邊）
小二：係，因為客人都訂咗12點半／1點鐘嘅時間，所以要hold畀佢哋。
中女獸：咁你有無問過我1點鐘可唔可以還枱先？
小二：小姐，而家都12點10分啦，1點鐘就算我出得切食物，你都食得好趕。
中女獸：咁你咪唔識做生意囉。我有話唔得咩？你出得切我實食得晒。
對住呢啲就快停經嘅女人，我知一日唔畀佢坐，佢一日都會塞鬼住我個門口，阻住我入枱。咁佢個口又真係幾大，可能真係食得快，我就做咗一個好錯嘅決定⋯⋯畀佢哋坐。最後仲提多阿巫一次——
小二：麻煩小姐你1點鐘前離開。
點知阿巫坐低咗之後，仲串串貢！
中女獸：得啦！你啲食物出快啲仲好啦！
Any肥，我哋啲食物出得真係好快，我打單都打咗3個「rush」。我連頭盤同主菜都無hold，點知中女獸同個朋友原來真係得個口大，食得勁鬼慢。當我放個主菜係枱時，已經係12點半過啲啲。
中女獸：哇～你明知無位擺就咪上得咁快啦。
小二：（你個「不該」吖）我以為小姐你話出得切實食得晒呀嘛。^^
中女獸：（黑面）
之後無耐我見佢個飯食到一半就準備落定茶啡，點知阿中女獸竟然發花癲。
中女獸：阿小姐呀，你見唔見到我個飯食得一半呢？你咁趕做乜呢？
小二：小姐，因為而家好多單喺Bar，落得order嚟就差唔多㗎啦。
中女獸：我覺得你係似趕緊我走多啲囉。
小二：邊係呢～不過小姐而家都12點9啦，落埋餐茶食埋甜品我第 2 round嘅客人就嚟㗎啦。
中女獸：咁你咪叫佢等囉。我嚟先㗎嘛。
當佢講得出呢一句，我已經知呢位中女係一件乞客，仲要係一個不知廉恥嘅賴皮蟲。我都要忍住道氣⋯⋯問多次兩條賴皮蟲飲乜⋯⋯
小二：麻煩小姐你話畀我知你杯餐茶飲乜啦。
中女獸：兩杯Latte啦！真係麻煩，催催催。
差不多1點鐘，我request窗口位嘅客人已經嚟咗。而兩位阿巫仲施施然食緊嗰幾啖飯，Latte都仲未飲。個款係擺到明就唔會還枱畀你，吹呀！當我準備埋枱嗰陣，另一張枱窗口位竟然連甜品都唔食，主動埋單走人。咁明知催兩位阿巫埋單可能又要暗串一輪先畀到訂枱，我索性迮迮臨搞埋單嗰張枱畀訂枱。之後1點鐘太多訂枱到咗，太忙嘅關係我都無再理兩位阿巫，由得佢坐。
最後，中女獸叫我埋單嗰陣，竟然仲串我：出咁快，又想趕我走，最後咪又係畀我坐到1點半。
小二：啊，小姐 ，咁啱有人埋單，咁我咪唔催你囉^^
中女獸：超。
雖然中女獸最後一蚊tips都無畀，不過我希望佢會鍾意我親手沖嘅Latte啦^^
專欄作者簡介：
The Beggar in the Restaurant 店小二Mary
我係一位從來唔對客人黑面，經常笑面迎人嘅侍應，著有《乞客MENU》。
Facebook專頁：The Beggar in the Restaurant乞客
https://www.facebook.com/BeggarintheRestaurant/
