濠江舊區重建樓價企穩

蘋果日報 2005/11/18 00:00


澳門將成立舊區重整諮詢委員會,推動舊區重建,北區肯定係焦點,但中原澳門執行董事郭朝隆話,預料嗰區樓價暫時升幅有限,未來一年最多升一兩成。唔通唔睇好?
郭朝隆解畫,暫時難預測重建對北區樓價影響有幾大,但過去一年,嗰度樓價已升近倍,好似廣福祥、廣福安呢啲樓齡較新嘅樓,年頭重係三四百蚊一呎,𠵱家已要七八百,所以未來升幅有限。佢補充,○七年就可能有較大變化。
當地人換樓氣氛唔算熾熱,郭朝隆話,當舊區重建落實之後,如果政府收樓畀足賠償,住戶就有能力換樓,成為樓市新力軍。