當年今日
關於我們

【子健講馬】頭場博冷我有心水!

蘋果日報 2017/03/14 21:15

子健子健講馬同進

天氣潮濕又有雨,若持續有雨,加上濕度高,會否令草地跑道起變化,有待臨場確認。更要留意下半場,內叠場地會否變得不利。
今期第一場四班1200米,水準極低,只有「你知我意」季內贏過谷草,另一季內曾勝的「志友運」則贏田草,對上三次跑谷草,未入過三甲。
計算形勢,「你知我意」確好着數,前速夠快,排三檔,內側一、二檔馬唔快,自領或守包廂位都可以,前仗贏同程水準,無疑甚平凡,然而今場水準亦不高,賺得到已夠贏。
不過,最後仍想博有分頭的「同進」,今次有加眼罩變數外,操練亦有異動,賽前有三課拍跳,上周二落眼罩考閘,周一再出大圈跳埋最後試跑,今季首次抵受到如此辣操,縱然估計,加眼罩也不會跟得太前,但只要能如預期般,咬到中間好位,有埋一檔慳住追一批唔強對手,未必唔得!
同場「志友運」頂磅12檔蝕得起嗎?至於潘頓的「放下自在」排八檔也不穩陣,且看戴面箍及對手弱可否爭一席。「喜菜」力短馬排七檔,限爭位置。一對初出馬以「友享友賞」試閘較好,但首度跑排九檔,變得不容易!