88歲老翁，昨日在香港仔瀑布灣外游泳期間失蹤，救援人員今日繼續搜索。

失蹤老翁姓梁88歲，每日有游泳習慣。昨日外出後失去影蹤，妻子（79歲）在岸邊發現丈夫的衣物，懷疑他遇溺，晚上報警。水警輪及消防船今早繼續到場，並由蛙人落水搜索。

泳客盧先生與梁伯認識20多年，「日日都見到佢，佢日日都嚟，一定到！」他暱稱梁伯為「英叔」，英叔通常與另一名叫「五叔」的泳客落水，盧指「呢度游水，佢哋係年紀最大嗰批」。劉直指這裏水流好急，「我試過同三個仔女嚟游水，突然會被沖到另一邊，水流好急。」他說英叔多在每日下午3至4時來游水，「佢游得唔會好遠，約100呎範圍內，游一陣就返上嚟。」他坦言因為這裏海水較乾淨，所以吸引大批泳客，但因水流急有一定危險，「我識咗佢20幾年，佢好好人」，盧獲悉英叔失蹤很憂心、不開心。他估計英叔有可能被沖到數碼港。

----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568