禮拜四快活谷日賽用A欄作賽，睇番季初11月1日谷草日賽亦係用A欄，當日一至四檔合力包辦逾半數頭馬，可見內檔優勢仍然好大，至於跑法方面偏差唔算嚴重，居中後上馬不落下風，其中「南華勇將」及「威利大大」更加從尾叠衝上反勝對手，所以不宜過份刻意側重前置馬。

今次列陣馬中，第六場「公証揚聖」六次角逐谷A欄賽事，取得三冠及亞季殿各一，可見這匹後上馬特別適合在A欄發揮，三甲機會仍然好大。另外，尾場「力闖」兩戰谷A欄均非冠即亞，其中一次正是於11月1日谷草日賽所得，憑住較佳場地性能可食尾糊。