呢個做法咪好似內地網紅囉？郭Sir都覺得，呢個會係趨勢。佢指，股評人傳統上透過電視、電台、專欄講股，屬於被動式分析，只能喺指定時段講股。用直播App，股評人就可以喺固定平台，主動接觸中港投資者，「朝早、晏晝、夜晚乜嘢時段，佢鍾意幾時講就幾時講」。
各位股評人各有自己長處，仲可以同觀眾喺唔同範疇交流心得，「好似林家亨打羽毛球好叻，至於（黃）德几唱歌都好叻，rap都唔差㗎，同埋飲食各方面都好到位，大家喺自己個長處到慢慢發展囉」。
佢仲講笑咁話：「不過可能成個月都係得幾個人（透過App）送花畀你，係好細個數（經濟效益），但唔緊要喇，起碼有觀眾朋友認同你嘅睇法、覺得你講嘢好，咪當一個鼓勵囉。」