【新增動新聞】
世界盃周一率先上演A、B組最後一輪賽事，賽前形勢大定的A組，實力較佳的烏拉圭憑蘇亞雷斯、卡雲尼及對手的烏龍球，以3:0擊敗在上半場中場已10人應戰的俄羅斯，成功取得首名資格，而俄羅斯則以次名出線。至於兩隊的對手、較後時間出賽的B組四隊就鬥得非常刺激，其中葡萄牙大部份時間領先下，不但有C朗射失12碼兼涉打肘後走甩紅牌，更於補時階段輸12碼遭伊朗逼和1:1，被同組的西班牙搶走首名。

故世盃16強的首兩場戲碼誕生，B組次名的葡萄牙將於香港時問7月1日凌晨兩時，迎戰A組首名烏拉圭；至於B組首名狂牛軍團，則於同日晚上10時，在莫斯科迎戰A組次名的東道主俄羅斯。其中「葡烏」對決，亦正是西甲皇馬巴塞對撼，事關兩支豪門的射手C朗及蘇亞雷斯在世盃大勇，其中C朗已為葡萄牙射入四球，而阿蘇近兩場都有波入；不過論近況氣勢，阿蘇似乎稍勝，除咗因為他破了國家隊50球大關及再做父親外，C朗周一晚對伊朗不但射失12碼，於比賽末段打肘幾乎領紅，希望賽會唔會追罰C朗，可以睇到兩大射手對決喇！

至於狂牛軍團周一晚都拼到補時階段，才以2:2逼和摩洛哥，憑較多入球力壓葡萄牙首名出線，16強將要面對東道主俄羅斯。表面上這場賽事對西班牙來說看似容易應付，但千萬亦不要低估東道主的主場威力，西班牙對上一次在淘汰賽面對東道主，正是2002年日韓世盃8強，被南韓守足120分鐘，最終在互射12碼遭淘汰出局；巧恰的是，當時的西班牙隊長，正正是現任狂牛主帥希亞路！加上俄羅斯周一對烏拉圭，亦收起部份主力留力16強，大家會相信世盃前無執教經驗的希亞路，還是力主舉辦世盃、要求國家隊有一番成就的俄羅斯總統普京呢？

Now TV每日只需$6*，
全年睇盡猛片，新劇，世界盃
即刻撳下面登記優惠或致電2888 1888(後按2)申請啦！
https://bit.ly/2JqDJKw
*優惠期有限，受條款及條件約束。

--------------------
一網睇盡
足動世盃 直擊俄國最前線 https://hk.feature.appledaily.com/worldcup2018/
--------------------
《體蘋果》陪你睇波講波
https://www.fb.com/appledailysports
--------------------
迎戰決賽周！《BFB CHAMPIONS 2.0》登入免費送連抽，超級球星立即入隊！ http://bit.ly/2xrTKGM